توتي المشاكس
28-06-2011, 01:58 PM
مدري صحيح الشوق يكبر مع الوقت
مَدخَل /
بـ بوح لك بس لا تضايق من البوح
تعبت أدور من هو يحس فيني
مع إنك أقرب خلق ربي من الروح
إلآ إنك آخـر من يفكر يجيني !
الـ نَّص /
إلى متى يَ ضيقَة الخَاطرْ عَلى مَجرَى الوريدْ
ما عَاد باقي مِن دَمي قَطرَه مِهي مِستَوجعهْ !
أنا دِخيلكْ يَ وفَا قلْبي تسَافر بي بعيييدْ
طمُوحك الربّان و جروحكْ بـ قَلبي الأمتعَهْ !
وَجه الزّمَن مَا عاد يَغري وانقفَل بَابْ البَريدْ
و إنته وفَاي اللّي لو أخدَع دنيتي مَا أخدَعهْ !
لا صَارت الدّنيا مصَالحْ وَ الوفَا كَم فـ الرصيدْ !
انو السّفر يَم الأمَل و أفردْ جِميع الأشْرعَه
بَسْ البَلا لا صَارت أمْواج التَّعاسهْ مِن جَليدْ
و إنْ صَاح جَرحك مَا لقيتْ اللّي يِحن و يَسْمعهْ
من لا يقدّر خوتي فـَ أبرك سَنه فرقَاه عيدْ
أمّا الرفيقْ الغَالي إليا غَاب خَذا قَلبي مَعهْ !
البَارحَه هَبتْ هَواجيسي فِـ صَدري مِنْ جديدْ
سوالفٍ تَشرهْ عَلى قَلبي بـ حلمٍ ضيّعَهْ
لاهنت يَ جَرح الزّمنْ حَقق مرادك مَا يريدْ
أهْديتْ للخَافق جرُوح و هو رفَعلكْ قبعهْ !
يَ ويلْ حَالي مِن شقَى اللّوعَه و يَ قَطع الوَريدْ
عَلى آخر جُروح الصّداقه و الطّعُون المُوجعَهْ
قَلبي مصَفّي نيته لَو كل مِن حُوله ضديدْ
يبقَى الجبَل مهمَا وطتهْ الريحْ مَا هِي تزعزعَهْ !
مِن طاحْ مِن عيني مَا عَاد يهمْ يَنقصْ أَو يزيدْ
اللي ينزلْ قَدرهْ بـ نفسَه هُو اللي يرفعَهْ !
ريحت قَلبي مِن عَنا الدّنيا و أنَا اللّي مستفيدْ
مَا دامْ قَلبي ما لقى فِي الوَقت شيٍ يقنعَهْ !
إلا رفيقٍ يجبر الكَسر وعلى الشّده عَضيدْ
هَذا منَى قَلبي عَلى الدّنيا و هَذا مَطمَعَهْ
أَضحَك لَو إن الضّيقَهْ اللي فِي الحَنايا تستزيدْ
لينْ أقْهَر الضّيقَهْ و أخَليها تفَارق فَـ السّعهْ !
لا خَانك الوَقتْ الرّدي و مَا للحَديد إلا الحَديدْ
اللّي شَراك أهدَه وفَا و اللّي خَذل عَهدك بعهْ
تَمشِي المقَاديرْ بـ هَوى الراضِي و تلعَبْ بـ العَنيدْ
صدْق اللّي قَال إنْ طَاعكْ الوَقت الرّدي و إلا طعَهْ !
العمر بـ أيّامَه قطَار و راكبٍ سكّة حَديدْ
و تمرْ لَحظاتَه ما بينْ المحزِنَهْ وَ المُمتعَهْ
كِل الحَياه دروس والدنيا عِبر و المستفيدْ !!
اللي خَذا من [ جملةْ الدّنيا ] دروسٍ تنفعهْ
مَخرج /
مدري صحيح [ الشوق ] يكبر مع الوقت !
. . . . . . . . والا صحيح الوقت يأثّر / على الشوق ؟
ما عاد أميّز بينها [ ضقت ، واشتقت ] !
. . . . . . . . الا انّي اعرف لا غشا / دمعي الموق !
م/ن
مَدخَل /
بـ بوح لك بس لا تضايق من البوح
تعبت أدور من هو يحس فيني
مع إنك أقرب خلق ربي من الروح
إلآ إنك آخـر من يفكر يجيني !
الـ نَّص /
إلى متى يَ ضيقَة الخَاطرْ عَلى مَجرَى الوريدْ
ما عَاد باقي مِن دَمي قَطرَه مِهي مِستَوجعهْ !
أنا دِخيلكْ يَ وفَا قلْبي تسَافر بي بعيييدْ
طمُوحك الربّان و جروحكْ بـ قَلبي الأمتعَهْ !
وَجه الزّمَن مَا عاد يَغري وانقفَل بَابْ البَريدْ
و إنته وفَاي اللّي لو أخدَع دنيتي مَا أخدَعهْ !
لا صَارت الدّنيا مصَالحْ وَ الوفَا كَم فـ الرصيدْ !
انو السّفر يَم الأمَل و أفردْ جِميع الأشْرعَه
بَسْ البَلا لا صَارت أمْواج التَّعاسهْ مِن جَليدْ
و إنْ صَاح جَرحك مَا لقيتْ اللّي يِحن و يَسْمعهْ
من لا يقدّر خوتي فـَ أبرك سَنه فرقَاه عيدْ
أمّا الرفيقْ الغَالي إليا غَاب خَذا قَلبي مَعهْ !
البَارحَه هَبتْ هَواجيسي فِـ صَدري مِنْ جديدْ
سوالفٍ تَشرهْ عَلى قَلبي بـ حلمٍ ضيّعَهْ
لاهنت يَ جَرح الزّمنْ حَقق مرادك مَا يريدْ
أهْديتْ للخَافق جرُوح و هو رفَعلكْ قبعهْ !
يَ ويلْ حَالي مِن شقَى اللّوعَه و يَ قَطع الوَريدْ
عَلى آخر جُروح الصّداقه و الطّعُون المُوجعَهْ
قَلبي مصَفّي نيته لَو كل مِن حُوله ضديدْ
يبقَى الجبَل مهمَا وطتهْ الريحْ مَا هِي تزعزعَهْ !
مِن طاحْ مِن عيني مَا عَاد يهمْ يَنقصْ أَو يزيدْ
اللي ينزلْ قَدرهْ بـ نفسَه هُو اللي يرفعَهْ !
ريحت قَلبي مِن عَنا الدّنيا و أنَا اللّي مستفيدْ
مَا دامْ قَلبي ما لقى فِي الوَقت شيٍ يقنعَهْ !
إلا رفيقٍ يجبر الكَسر وعلى الشّده عَضيدْ
هَذا منَى قَلبي عَلى الدّنيا و هَذا مَطمَعَهْ
أَضحَك لَو إن الضّيقَهْ اللي فِي الحَنايا تستزيدْ
لينْ أقْهَر الضّيقَهْ و أخَليها تفَارق فَـ السّعهْ !
لا خَانك الوَقتْ الرّدي و مَا للحَديد إلا الحَديدْ
اللّي شَراك أهدَه وفَا و اللّي خَذل عَهدك بعهْ
تَمشِي المقَاديرْ بـ هَوى الراضِي و تلعَبْ بـ العَنيدْ
صدْق اللّي قَال إنْ طَاعكْ الوَقت الرّدي و إلا طعَهْ !
العمر بـ أيّامَه قطَار و راكبٍ سكّة حَديدْ
و تمرْ لَحظاتَه ما بينْ المحزِنَهْ وَ المُمتعَهْ
كِل الحَياه دروس والدنيا عِبر و المستفيدْ !!
اللي خَذا من [ جملةْ الدّنيا ] دروسٍ تنفعهْ
مَخرج /
مدري صحيح [ الشوق ] يكبر مع الوقت !
. . . . . . . . والا صحيح الوقت يأثّر / على الشوق ؟
ما عاد أميّز بينها [ ضقت ، واشتقت ] !
. . . . . . . . الا انّي اعرف لا غشا / دمعي الموق !
م/ن