بفارقك

[عايش في زمن وهمي]

بفارقك لو كان ما اخترت فرقاك





بفارقك وأنا في رجوى وصالك



البعد لو به خير ماكان خلاك



تقطع من عيون المحبة اتصالك



اكثرت في الصده وفي الوصل مشواك



الكبير الله لا يغرك جمالك



خليتني في البعد والبعد قساك



خلاك تنسى واحد قد وفالك



سليت سيف الهجر كني من اعداك



ذبحت شوق الروح شلي جرالك



العام ماتصحب لو قلت بلقاك



واليوم من دون المواصيل هالك



منت بردي حسبي على الوقت وداك



غير صفاك وطيبتك واعتدالك





حاولت نسيانك عيِّت لا انساك



لا جيت بنسى ضيق صدري عوالك



لو انك بترجع كثر ماتمناك



ماكان ذا حالي ولا ذا بحالك



كثر الجفا وأنا استغفل الله اشراك



حبك كفر بي لعنبو من صفالك



خذاك مني البعد ماعاد بقاك



لكن على قول المثل مشي حالك



تدري وشلي يتقل الشوق يا ذاك



لاني بولد عمك ولا بولد خالك



الشوق برد ودافي الوصل لقياك



وفي الجفا خرب طريق اللقا لك



علمتني حبك وعلمني انساك



لو كان من دنياي مابه بدالك



تبغي ضيق صدري جعله يفداك



مهو بنا اللي عاتبك في حلاك



طلبتني قلبي وأنا قلت لك جاك



واللحين سوي خافقي مابدالك